Məşhur aparıcı və xeyriyyəçi Hacı Nuranın səhhəti yenidən pisləşib.

44gun.az xəbər verir ki, bu haqda aparıcı özü açıqlama yayıb.

 Hacı Nuran bildirib ki, özünü pis hiss etdiyi üçün Almaniyaya gedib və müalicə alır:

"Bu əziz günlərdə mənim səhhətim yenə şıltaqlıq etdi. Yenə bu qoca qitənin qoca şəhərindəyəm. Almaniyanın Düsseldorf şəhərində müayinəm və müalicəm davam edir. Özümü pis hiss etdim və həkimlər məni  danladılar.  Artıq bir neçə gündür Almaniyadayam ... Məni günbəgün yaxşılaşdıran təkcə həkimimin dərmanları və müalicəsi deyil. Sizin sevgi dolu sözləriniz, dualarınızdır.  Məni həmişə güclü edən sizlər bu gün dualarınızla ayaqda saxlayırsız. Məni mətin edən də, gümrahlaşdıran da sizsiniz mənim əziz dostlarım. Hər an yanımda olan, hər dəqiqə mənə təkcə dərmanları ilə deyil, həm də diqqəti ilə məlhəm olan həkimlərim var olsun.  O qədər mehriban, səmimi insanlardır ki,  zarafatcıl, yumor hissi güclü olan həkimlərdir. Düzdür, mənim Bakıda da çox gözəl həkimlərim var. Hər biri də əvəzsizdir.  Amma uzun illərdir Düsseldorfda müalicə və müayinə olunduğumdan bu klinikanın ağ xalatlı mələkləri məni bir kəlmədən başa düşürlər.  Bu gün yenə Düsseldorfdayam və yenə sizin dualarınıza ehtiyacım var! ..."