"Heyif Tünzalədən. Heç ölmək istəmirdi".

44GÜN.AZ xəbər verir ki, aktrisa ilə bağlı xatirələrini bölüşən V.Zeynalova xərçəngdən əziyyət çəkən qardaşından danışıb: 

Əməkdar artist Tünzalə Əliyeva ilə vidalaşmaq üçün Qurd Qapısı ərazisində yerləşən məzarlığa gələn sənətçi göz yaşı içində mərhum həmkarı ilə bağlı xatirələrini dilə gətirib:

"Son günlər onunla yalnız telefonda danışa bilirdik. Deyirdi ki, çox ağrılarım var. Məni yalnız sən yaxşı başa düşə bilərsən. Çünki rəhmətlik qardaşımla onun dərdi bir idi. Deyirdi ki, bilirsən bu xəstəliyə görə mən nələr çəkirəm. Nə qədər dözsün bu ağrılara yazıq qız... Hər dəfə kimisə itirəndə özümə gələ bilmirəm. Allah Tünzaləyə rəhmət eləsin".Qeyd edək ki, T.Əliyeva ötən gün saat 12:00 radələrində Milli Onkologiya Mərkəzində uzun sürən xərçəng xəstəliyindən 49 yaşında dünyasını dəyişib.