Gədəbəy Rayon İcra Hakimiyyətinin başçısı Orxan Mürsəlov Söyüdlü kənd sakinləri ilə görüşdə süni yaradılan gölün təhlükəli olmadığını deyib: 

44gun.az xəbər verir ki, icba başçısı yanındakı ahıl qadını göstərərək qeyd edib: 

"Nənəmizin 78 yaşlı var. Göl zəhərli olsaydı nənəmiz bu yaşa gəlib səsi məndən yüksək çıxmazdı". 

İcra başçısı kəndə gedərək sakinlərlə söhbət aparıb.

 Orxan Mürsəlov jurnalistlərə bildirib ki, gölün suyunun zəhərli olub-olmaması ilə bağlı Ekologiya və Təbii Sərvətlər Nazirliyinə müraciət edilib: “Bu məsələyə mütəxəssislər rəy verə bilər, müvafiq nümunələr götürülərək yoxlanılacaq. Biz də aidiyyəti qurumlara bununla bağlı müraciət etmişik, məsələ qaldırmışıq ki, gölün suyunun tərkibi yoxlanılsın”

İcra başçısı Söyüdlü kəndində xərçəng xəstəliyinin kütləvi yayılması, uşaqların əlil doğulması kimi məlumatların həqiqətə uyğun olmadığını bildirib.

O həmçinin qeyd edib ki, göl fəaliyyətini başa vurduqdan sonra üzəri torpaqla örtüləcək və ərazi əvvəlki vəziyyətinə qaytarılacaq.(Lent.az)