Dünyanın ən cani qayınanası Elizabet Ann Dunkan olub.

ABŞ-da doğulan qadın nə az nə çox düz 10 dəfə evli olduğunu etiraf edib.

Ümumilikdə 4 övladı olsa da, o, yalnız sonuncu övladı Frenki çox sevirdi.

O, San-Fransiskoda fahişəxana işlətdiyinə və pis yoxlamalardan keçdiyinə görə də həbs edilmişdi.

E.Dunkan oğlu Frenki həyatının mərkəzinə çevirmişdi. Bir an belə oğlundan ayrı qala bilməyən qadın Frenki itirməmək üçün həyatına qəsd belə etmişdi.
Frenk anası ilə yaşadığı mənzildən köçmək istədikdə Elizabet həddindən artıq dozada həb qəbul edərək ölməyə cəhd etmişdi. Santa Barbaradakı Kottec Xəstəxanasında yatdığı müddətdə ona tibb bacısı Olqa Kupçik baxırdı.

Bu müddət ərzində Frenklə tibb bacısı arasında münasibət yaranır.  Tibb bacısının hamilə olduğunu öyrənən Frenk 1958-ci ildə onunla evlənir. Bu izdivacla barışmayan qadın Olqanı oğlunu tərk etməsi üçün hədələməyə başlayır. Buna nail ola bilməyən Elizabet oğlunu qaçırmağı belə planlaşdırır.

Qəzəbli qadın 7 aylıq hamilə gəlinini öldürtmək üçün 2 killerlə razılaşır. Onlara 6 min dollar ödəyən Elizabet daha sonra polisi hadisə yerinə yönəldir.
Killerlər hamilə qadını tapança ilə döyür, boğur və dayaz qəbirdə basdırır. Araşdırmalar zamanı Olqa basdırılarkən sağ olduğu üzə çıxır.

E.Dunkan məhkəmədəki ifadəsində Frenki itirmək istəmədiyini, həyata tək dözə bilməyəcəyini deyib.

Prokurorlar onun 16 dəfə evləndiyini iddia etsələr də, qadın 10 dəfə evli olduğunu etiraf edib:

“11-ci ola bilərdi. Digərlərini saymağa qorxuram: mənim üçün o qədər də böyük əhəmiyyət kəsb etmədilər”.

Frenk Dunkan da anasına bağlı idi. O, evli olmasına baxmayaraq, hələ də anasının evində yatırdı. Frenk ifadəsində qürurla etiraf edirdi ki, o, bütün həyatı boyu anası ilə yaşayıb.

Hüquqşünas olan F.Dunkan anası üçün sona qədər mübarizə aparmışdı.

Məhkəmə prosesi 24 fevral 1959-cu ildə başlayır. 16 mart 1959-cu ildə münsiflər heyəti onu təqsirli hesab etmək üçün 4 saat 51 dəqiqə iclas keçirirlər. Sonda qətlin sifarişçisi olan E.Dukan və qətli trədən şəxslərin edma olunmasına qərar verilir.

O, ABŞ Ali Məhkəməsi ölüm hökmünü ləğv etməsinə qədər 1962-ci ildə Kaliforniyada edam edilən sonuncu qadın olub.

Yerli mətbuatda onu “cəhənnəmdən gələn qayınana” adlandırırdılar.